Процес на подготовка

1. Состојките за тестото во поголем сад ги измесуваме во форма на мазна маса. Садот го покриваме со крпа и оставаме тестото да стасува на топло најмалку еден час. Потоа го измесуваме уште еднаш и го оставаме да се одмора најмалку уште еден час, за да нарасне уште еднаш.
2. На површина посипана со брашно го расукуваме тестото на дебелина од 1,5–2 цм и со тркалезна модла оформуваме повеќе кругови. Ги покриваме со крпа и го оставаме да стасуваат уште некој час.
3. Мафините ги печеме во тава по неколку минути од секоја страна за да добијат златно кафена боја.
4. Пошираното јајце го подготвуваме така што во тенџере ќе зовриеме вода, на којашто сме ѝ додале малку алкохолен оцет. Температурата ја намалуваме за да биде водата непосредно пред зовривање и со црпалка правиме вител. Јајцето што сме го скршиле во сад нежно го спуштаме во вителот, а потоа си помагаме со лажица за да се обвитка белката околу жолчката. Јајцето го пошираме околу три минути, за да се стврдне белката, а жолчката да остане течна. Јајцето со лажица цедалка го ставаме врз кујнски бришач, за да ја впие водата.
5. Сендвичот го составуваме така што мафинот го преполовуваме, а потоа на дното ставаме парчиња салама Поли, ги додаваме киселите краставички сирењето и пржената сланина. Одозгора го ставаме пошираното јајце и сето тоа заедно го покриваме со горниот дел од мафинот.